നിനക്കായ് | SHORT STORY | ✍️ AJWA

❤️ നിനക്കായ്‌ 💖

Short Story

_________________

"നിന്നോട് ഞാൻ പറഞ്ഞത് അല്ലേ തിരിച്ചു വരുമ്പോ നടന്നു വന്നാൽ മതി എന്ന്,,, എന്നിട്ട് അവൻ വന്നിരിക്കുന്നു ഓട്ടോ പിടിച്ചു കൊണ്ട്... അതിന് ഉള്ള പണം നിന്റെ അച്ഛൻ ഉണ്ടാക്കി വെച്ചിരിക്കുന്നുണ്ടോ ഇവിടെ...? "

അച്ഛന്റെ സ്ഥിരം കലാ പരിപാടി കണ്ടു കൊണ്ടാണ് മീനാക്ഷി ഗേറ്റ് കടന്നു വന്നത്... പല്ലും കടിച്ചു സ്കൂട്ടർ സ്റ്റാൻഡിൽ നിർത്തി അവൾ ഒന്ന് നോക്കി അകത്തേക്ക് നടന്നു... മുന്നിൽ നിന്നു എല്ലാം കേട്ട് വായും പൊളിച്ചു നിക്കുന്ന അപ്പുനെ നോക്കി ഒന്ന് പുച്ഛിച്ചു കാണിച്ചു... 

"ഇന്ന് എന്താടി നിനക്ക് ഇത്രയും കനം... "

അച്ഛൻ അവളുടെ മുഖം കണ്ടു അവനിൽ നിന്നും നോട്ടം മാറ്റി കൊണ്ട് ചോദിച്ചു... 

"ഇന്ന് രണ്ട് ബുക്ക് എക്സ്ട്രാ ഉണ്ട് അത് കൊണ്ടാവും... "😏

അവൾ അച്ഛനെയും പുച്ഛിച്ചു കൊണ്ട് അകത്തേക്ക് കയറി,,, അച്ഛൻ അവൾ പറഞ്ഞത് മനസ്സിൽ ആവാതെ അവനിൽ തന്നെ തിരിഞ്ഞു... 

"എടാ ഇങ്ങോട്ട് നോക്ക്,,, എന്തെങ്കിലും ആവശ്യത്തിന് വണ്ടി പിടിച്ചു പോയാൽ തിരിച്ചു വരുമ്പോൾ നടന്നു വന്നാൽ മതി... കേട്ടോടാ കഴുതേ... "

അപ്പു ആ എന്നും തല ആട്ടി നിന്നു... 

"എന്നാൽ പിന്നെ നോക്കി നിക്കാതെ ഈ മടല് മുഴുവനും എടുത്തു വെക്ക്... "

അയാൾ പോയതും അപ്പു എല്ലാം പെറുക്കി എടുക്കാൻ തുടങ്ങി... 

ബാഗും വലിച്ചു എറിഞ്ഞു അവൾ അടുക്കളയിൽ ചെന്നു അമ്മ ഉണ്ടാക്കി കൊണ്ടിരിക്കുന്ന പഴം പൊരി എടുത്തു കടിച്ചു... 

"ഈ അപ്പു ഏട്ടന് വായിൽ എന്തിനാ നാവ്,,, ആവശ്യത്തിന് സംസാരിക്കില്ല... "

അവൾ സ്വയം പറഞ്ഞു അത് വീണ്ടും കടിച്ചു കൊണ്ടിരുന്നു... 

"അവന് നിന്നെ പോലെ അച്ഛനോട് കടിച്ചു കീറാൻ പറ്റുമോ... നിന്നോട് പറയാൻ ആവാത്തത് പോലും അച്ഛൻ അവനോട് ആണ് തീർക്കുന്നത്... "

ചേച്ചി വയറും താങ്ങി പിടിച്ചു വരുന്നത് കണ്ടു മീനു അവളെ പിടിച്ചു ചെയറിൽ ഇരുത്തി പഴം പൊരി എടുത്തു കൊടുത്തു... 

മീനാക്ഷിയും അച്ഛനും അമ്മയും ചേച്ചിയും ആണ്‌ ആ വീട്ടിൽ ഉള്ളത്,,, ചേച്ചി ആദ്യ ഡെലിവറി പ്രമാണിച്ചു വീട്ടിൽ ആണ്‌ ഇപ്പോൾ,,, അതിന് കൂടി കാശ് ചിലവാക്കേണ്ട ടെൻഷൻ ആണ്‌ അച്ഛന്... 

ഇവരെ കൂടാതെ പുറത്തുള്ള മുറിയിൽ ഒരാൾ കൂടി ഉണ്ട്,,, അച്ഛന്റെ ഒരേ ഒരു പെങ്ങളെ മോൻ അപ്പു,,, അച്ഛൻ എന്നോ നാട് വിട്ടു പോയി,,, അമ്മയും കൂടി പോയപ്പോൾ വിളിച്ചു കൊണ്ട് വന്നതാണ് അപ്പുനെ,,, ഒരു ജോലിക്കാരൻ ആയാണ് എന്ന് മാത്രം... 

എല്ലാ ജോലിയും അവന്റെ തലയിൽ ആണ്‌ കൊണ്ട് ഇടുന്നത്,,, എല്ലാം ഭംഗി ആയി ചെയ്താലും ഒടുക്കം അവന് കിട്ടുന്നത് കുറെ ചീത്ത മാത്രം... 

എല്ലാം അടക്കി വെച്ചു അപ്പു വന്നത് അടുക്കളയിൽ ആണ്‌,,, അമ്മ അവന് ചായ കൊടുക്കുമ്പോ അവൻ മീനുനെ നോക്കി ഒന്ന് പുഞ്ചിരിച്ചു... മീനു അവനെയും പുച്ഛിച്ചു കൊണ്ട് അകത്തേക്ക് പോയി... 

◼️◼️◼️◼️◼️◼️

മീനു കാലത്ത് തന്നെ പേപ്പർ അരിച്ചു പെറുക്കാൻ തുടങ്ങി... പല ജോബ് ഓഫർ കണ്ടു അതെല്ലാം വെട്ടി എടുത്തു പോക്കെറ്റിൽ ഇട്ടു... 

കുളി ഒക്കെ കഴിഞ്ഞു കോളേജിൽ പോകാൻ റെഡി ആകുമ്പോൾ ആണ്‌ വീണ്ടും അച്ഛന്റെ കലാ പരിപാടിക്ക് തുടക്കം ഇട്ടത്,,, മീനു പല്ലും കടിച്ചു ബാഗും തൂക്കി താഴേക്ക് വന്നു... 

"ഇത് കാശ് കൊടുക്കുന്നത് കൊണ്ടാണ് അവർ ഇവിടെ കൊണ്ട് ഇടുന്നത്... അല്ലാതെ നിന്റെ അച്ഛന്റെ വക അല്ല... എല്ലാം കൂടി അവൻ വെട്ടി നശിപ്പിച്ചു വെച്ചിരിക്കുന്നു... "

താൻ വെട്ടി എടുത്ത പേപ്പർ നീട്ടി കൊണ്ട് വഴക്ക് പറഞ്ഞു കൊണ്ടിരിക്കുന്ന അച്ഛനെയും എല്ലാം കേട്ട് കൊണ്ടിരിക്കുന്ന അപ്പുനെയും അവൾ നോക്കി... 

അവൾക്ക് ദേഷ്യം വന്നത് അപ്പുന്റെ ആ നിൽപ്പ് ആയിരുന്നു... അവൾ അവനെ തുറിച്ചു നോക്കി അടുത്തേക്ക് ചെന്നു... 

"അത് ഞാൻ ആണ്‌ വെട്ടി എടുത്തത് അല്ലാതെ അപ്പു ഏട്ടൻ അല്ല,,, എനിക്ക് എക്സാം കഴിഞ്ഞാൽ പഠിക്കേണ്ട കോഴ്സ് ഉണ്ടായിരുന്നു അതാ വെട്ടി എടുത്തത് അതിന് ആരുടെയും മെക്കിട്ട് കയറിയിട്ട് കാര്യം ഇല്ല... "

അവൾ അച്ഛനെ നോക്കി പറഞ്ഞു... 

"എനിക്ക് തോന്നി നീയേ ഇങ്ങനെ ഒക്കെ കാണിക്കൂ എന്ന്,,, എക്സാം കഴിഞ്ഞാൽ നിന്നെ ഇനിയും ഇവിടെ നിർത്തി പഠിപ്പിച്ചു അതെല്ലാം എന്റെ മെക്കിട്ട് തീർക്കുന്നതിനെക്കാൾ നല്ലത് നിന്നെ കെട്ടിച്ചു വിടുന്നത് ആണ്‌... "

"ഓഹ് അത് അച്ഛൻ അല്ല ഞാൻ തീരുമാനിക്കും... "

അച്ഛനെ നോക്കി അതും പറഞ്ഞു അവൾ അപ്പുനെ ഒന്ന് നോക്കി... 

"നാണം ഇല്ലേ അപ്പു ഏട്ടന് ചെയ്യാത്ത കാര്യത്തിന് പഴി കേൾക്കാൻ... കഷ്ടം... "

അവൾ അവനെയും പുച്ഛിച്ചു കൊണ്ട് വണ്ടിയും എടുത്തു പോയി,,, അപ്പു അവള് പോയ ഭാഗത്ത്‌ നോക്കി നിന്നു... 

◼️◼️◼️◼️◼️◼️

എല്ലാരും ഉറങ്ങി എന്ന് കണ്ടതും മീനു എണീറ്റ് പോയത് അപ്പുന്റെ മുറി ലക്ഷ്യം വെച്ചു കൊണ്ടാണ്,,, ഡോർ തട്ടി വിളിക്കുമ്പോ ആണ്‌ അകത്ത്‌ നിന്നും അടച്ചില്ല എന്ന് കണ്ടത്,,, അവൾ അതും തള്ളി തുറന്നു അകത്തേക്ക് കയറി അവന്റെ കിടപ്പ് നോക്കി ഒന്ന് നിന്നു... 

എവിടെയോ കിടക്കുന്ന മാറ്റ് തലയിണ,,, വേറെ എവിടെയോ കിടക്കുന്ന അപ്പുവും,,, അവൾ ഒന്ന് ചിരിച്ചു കൊണ്ട് അവിടെ കുനിഞ്ഞു ഇരുന്നു അവനെ തട്ടി വിളിച്ചു... 

അലറാൻ വേണ്ടി വാ തുറന്ന അവന്റെ വാ അടച്ചു പിടിച്ചു അവിടെ ഇരുത്തി... 

"എന്തിനാ നീ ഇങ്ങോട്ട് വന്നത്... "

കയ് മാറ്റിയപ്പോ അവളെ നോക്കി അവൻ ചോദിച്ചു... 

"ദേ ഒരൊറ്റ ഒന്ന് അങ്ങ് തന്നാൽ ഉണ്ടല്ലോ,,, ഞാൻ ഈ കഷ്ടപ്പെട്ട് വന്നത് അപ്പു ഏട്ടന്റെ കാര്യത്തിന് വേണ്ടി തന്നെയാ,,, എപ്പോഴും അച്ഛന്റെ ചീത്തയും കേട്ട് ഇവിടെ തന്നെ കഴിയാൻ ആണോ പ്ലാൻ... "

"പിന്നെ ഞാൻ എന്ത് ചെയ്യാനാ,,, അച്ഛൻ വഴക്ക് പറയുന്നത് എന്നോട് ഉള്ള സ്നേഹം കൊണ്ടാ അല്ലാതെ... "

"നന്നായി,,, ദേ ഇത് നോക്ക് മദ്രാസിൽ നല്ല ഒരു ജോബ് ഓഫർ ആണ്‌,,, അപ്പു ഏട്ടൻ നാളെ തന്നെ പോയിക്കോണം,,, കാലത്ത് റെഡി ആയി നിന്നോ ടിക്കറ്റ് ഞാൻ എടുത്തു,,, റെയിൽവേ സ്റ്റേഷനിൽ ഞാൻ കൊണ്ട് വിടാം... എന്ത് ജോലി ആയാലും അതും ചെയ്തു അവിടെ അടങ്ങി നിന്നോണം... വെറുതെ അച്ഛന്റെ വായിൽ ഇരിക്കുന്നത് കേൾക്കാൻ നിക്കാതെ ഇത് ചെയ്യുന്നത് ആവും നല്ലത്... "

"ഒരു പേപ്പർ ഒക്കെ നോക്കി എന്ത് വിശ്വസിച്ചു പോകും... "

അവൻ ദയനീയമായി ചോദിക്കുന്നത് കേട്ട് കലിപ്പിൽ അവൾ അവനെ നോക്കി... 

"പെൺകുട്ടി ഒന്നും അല്ലല്ലോ,,, ഒന്നുല്ലേലും അപ്പു ഏട്ടൻ ഒരു ആണല്ലേ... ശ്രമിച്ചു നോക്ക്... "

"അത് വേണോ മീനുട്ടി,,, എനിക്ക് അവിടെ ഒന്നും ആരെയും പരിചയം ഇല്ലല്ലോ... "

"ദേ അപ്പു ഏട്ടാ മുടക്ക് പറഞ്ഞാൽ ഉണ്ടല്ലോ,,, നമ്മൾ ഇപ്പോൾ ഒരു കോളേജിൽ ചെല്ലുന്നത് പരിചയം ഉള്ളോണ്ട് ആണോ അല്ലല്ലോ,,, അവിടെ ചെന്നിട്ട് എല്ലാരേയും പരിചയപ്പെടുന്നത് അല്ലേ ഇതും അങ്ങനെ കണ്ടാൽ മതി,,, sslc ആണ്‌ യോഗ്യത,,, അപ്പു ഏട്ടന് അത് ഉണ്ടല്ലോ പോയി നോക്ക് എന്നെ... ശരി ആയില്ലെങ്കിൽ തിരിച്ചു വന്നാൽ മതി... "

അവളുടെ ആവേശം കണ്ടു അവൻ സമ്മതിച്ചു... 

"അപ്പോ കാലത്ത് റെഡി ആയി നിക്കണം കേട്ടല്ലോ... "

അവന്റെ കവിളിൽ പിച്ചി കൊണ്ട് അതും പറഞ്ഞു അവൾ പോയി,,, അവൻ കവിളിൽ കയ് വെച്ചു ഒന്ന് ചിരിച്ചു കൊണ്ട് അതിലേക്ക് നോക്കി... 

◼️◼️◼️◼️◼️◼️

മീനു റെഡി ആയി താഴേക്ക് വരുമ്പോ അച്ഛൻ അവൻ പോകാൻ റെഡി ആയി നിക്കുന്നത് കണ്ടു കലിപ്പിൽ നിക്കുന്നത് ആണ്‌ കണ്ടത്... 

"നിനക്ക് ഇന്ന് കോളേജ് ലീവ് അല്ലേ നീ എങ്ങോട്ടാ... "

അച്ഛൻ അവൾ വണ്ടി എടുക്കുന്നത് കണ്ടു ചോദിച്ചു... 

"ഞാൻ അപ്പു ഏട്ടനെ റെയിൽവേ സ്റ്റേഷനിൽ കൊണ്ട് വിട്ടു വരാം... "

"അവൻ പോണം എങ്കിൽ എങ്ങനെ എങ്കിലും പോയിക്കോളും നീ എന്തിനാ കൊണ്ട് വിടുന്നെ... "

"ദേ അച്ഛാ ഒരുമാതിരി ഊള സ്വഭാവം എന്റെ അടുത്ത് എടുക്കാൻ നിക്കണ്ട,,, ഞാൻ അപ്പു ഏട്ടന്റെ കൂടെ നാട് വിടാൻ ഒന്നും പോണില്ല... "

അവൾ വണ്ടി സ്റ്റാർട്ട്‌ ചെയ്തപ്പോൾ അവൻ എല്ലാരേയും ഒന്ന് നോക്കി വണ്ടിയിൽ കയറി ഇരുന്നു... അവളുടെ പിറകെ കയറി ഇരിക്കുന്ന കണ്ടു അച്ഛൻ ദേഷ്യം കടിച്ചു പിടിച്ചു നിന്നു... 

"എന്ത് കാണാൻ നിക്കാ രണ്ടും,,, കേറി പോടീ അകത്ത്‌... "

രണ്ടിനോടും ദേഷ്യം തീർത്തു അച്ഛൻ അകത്തേക്ക് ചെന്നു,,, സ്വസ്ഥത കിട്ടാതെ വീണ്ടും പുറത്തേക്ക് തന്നെ വന്നു... 

അപ്പു അവളുടെ പുറം കഴുത്തിന്റെ ഭംഗി ആസ്വദിച്ചു കൊണ്ട് ഇരിക്കുക ആയിരുന്നു... 

"അപ്പു ഏട്ടന് പേടി ഉണ്ടോ...? "

അവളിൽ നിന്നും പെട്ടെന്ന് കേട്ട ചോദ്യം കേട്ട് അവൻ ഇല്ലെന്ന് പറഞ്ഞു കൊണ്ട് വീണ്ടും അവളുടെ അടുത്തേക്ക് ഒന്ന് കൂടി നീങ്ങി... 

"ഇന്റർവ്യൂ വല്ലതും ഉണ്ടെങ്കിൽ പേടിക്കണ്ട കേട്ടല്ലോ കിട്ടിയില്ല എങ്കിൽ പോട്ടെ ഇങ്ങോട്ട് തന്നെ വന്നേക്കണം കേട്ടല്ലോ,,, വേറെ ജോലി കണ്ടു പിടിച്ചു തരുന്ന കാര്യം ഞാൻ ഏറ്റു... "

"മ്മ്... "

അവൻ അലസതയോടെ ഒന്ന് മൂളി... 

"അവിടെ എത്തിയാൽ വിളിക്കണം കേട്ടല്ലോ,,, മറന്നാൽ ഞാൻ എന്നെങ്കിലും കണ്ടാൽ തിരിച്ചു തരും... "

അവൻ എല്ലാം കേട്ടു മൂളികൊണ്ടിരുന്നു,,, അവൾ ആണെങ്കിൽ അവിടെ എത്തുന്നത് വരെ ഓരോ ഉപദേശം കൊടുത്തു കൊണ്ടിരുന്നു... 

അവൾ വണ്ടിയിൽ നിന്നും ഇറങ്ങി ഒരു കൊച്ചു കുട്ടി എന്ന പോലെ ആ തിരക്കിൽ കയ് പിടിച്ചു നടന്നു,,, അവനെ സീറ്റ് നോക്കി ഇരുത്തി അവൾ പുറത്തേക്ക് ആയി വന്നു നിന്നു... 

അവളെ നോക്കി ഒന്ന് പുഞ്ചിരിച്ചു എങ്കിലും അവന്റെ ഉള്ളം നീറി തുടങ്ങി,,, ട്രെയിൻ നീങ്ങി തുടങ്ങുന്നത് കണ്ടു അവൾ റ്റാറ്റാ കാണിച്ചു,,, അവനും തിരിച്ചു കാണിച്ചു അകത്തേക്ക് നീങ്ങി ഇരുന്നു... 

◼️◼️◼️◼️◼️◼️

"ഓഹ് ഈ അച്ഛന് ഇന്ന് ആരെയാ കിട്ടിയത്,,, കാലത്ത് തന്നെ തുടങ്ങി അല്ലോ... "

മീനു അച്ഛന്റെ ചീത്ത പറച്ചിൽ കേട്ട് ഉറക്ക പിച്ചിൽ താഴേക്ക് ഇറങ്ങി വന്നു നോക്കി... 

മുന്നിൽ എല്ലാം കേട്ട് കയ്യിൽ ബാഗും പിടിച്ചു നിക്കുന്ന അവനെ കണ്ടു അവൾ കണ്ണും മിഴിച്ചു നോക്കി... രാവിലെ തന്നെ കയ് നീട്ടം വാങ്ങാൻ ആണോ വന്നത്... 

"ടിക്കറ്റ്‌ കാശ് നിന്നെ കൊണ്ട് വിടാൻ അവൾ ചിലവാക്കിയ പെട്രോൾ എല്ലാം എന്റെ പണം ആണ്,,, എന്നിട്ട് അവൻ പോയ പോലെ വന്നിരിക്കുന്നു... എല്ലാം അവൾ ആണ്‌ നിന്നെ കൊണ്ട് ചെയ്യിppച്ചത് എന്ന് എനിക്ക് അറിയാം... നിനക്ക് ഞാൻ തരുന്ന പണി തന്നെ ദാരാളം അല്ലാതെ വേറെ എവിടെ നിന്നും പണി കിട്ടാൻ... "

അച്ഛന്റെ നീണ്ട പ്രസംഗം കേട്ട് അവൾ അവന്റെ അടുത്തേക്ക് ചെന്നു... 

"എന്താ ജോലി ശരിയായില്ലേ... "

"ഇല്ല അവിടെ പറയുന്ന ഭാഷ പോലും എനിക്ക് മനസ്സിൽ ആയില്ല... "😩

അവൻ നിരാശയോടെ അതും പറഞ്ഞു തലയും താഴ്ത്തി നിന്നു... അത് കേട്ട് കൊല ചിരി പോലെ അച്ഛൻ നന്നായി പൊട്ടി ചിരിച്ചു... 

അവൾ രണ്ടിനെയും നോക്കി പുച്ഛിച്ചു കൊണ്ട് അകത്തേക്ക് നടന്നു... 

പിന്നീട് അങ്ങോട്ട് അവൾക്ക് പേപ്പർ കണി കാണാൻ കിട്ടിയില്ല എന്ന് വേണം പറയാൻ,,, അച്ഛൻ എല്ലാം എടുത്തു മാറ്റി വെച്ചു... 

◼️◼️◼️◼️◼️◼️

ഒത്തിരി സന്തോഷത്തോടെ ആണ്‌ മീനു വീട്ടിലേക്ക് വന്നത്,,, വണ്ടിയും അവിടെ ഇട്ടു അവൾ അകത്തേക്ക് കയറി... 

"അമ്മേ അപ്പു ഏട്ടൻ എവിടെ... "

"അച്ചൻ അവനെയും കൊണ്ട് എങ്ങോട്ടോ പോയി... "

അവൾ മുറിയിൽ ചെന്നു ബാഗിൽ നിന്നും ഒരു ഫയൽ പുറത്തേക്കു എടുത്തു,,, ഗൾഫിലെക്ക് പറക്കാൻ ഉള്ള വിസ എടുത്തു ഒന്ന് കൂടി അവൾ നോക്കി,,, തന്റെ കൂട്ടുകാരിയുടെ അച്ഛന്റെ കാല് പിടിച്ചു അവന് വേണ്ടി വാങ്ങി എടുത്ത ജോലി... 

"നിങ്ങൾ ഇവിടെ നിന്നും രക്ഷപെടണം അപ്പു ഏട്ടാ,,, അതിന് വേണ്ടിയാ ഞാൻ ഇത് ഒപ്പിച്ചത്... "

അതും പറഞ്ഞു അതിലേക്ക് നോക്കി വീണ്ടും അത് ബാഗിൽ വെച്ചു... 

രാത്രി ആണ്‌ അച്ഛൻ അപ്പുനെയും കൊണ്ട് വന്നത്,,, അച്ഛൻ കേട്ടാൽ എല്ലാം തകർക്കും എന്ന് ഓർത്തു എല്ലാരും ഉറങ്ങുന്നത് വരെ അവൾ കാത്തിരുന്നു... 

ഡോർ തുറന്നു അപ്പുന്റെ മുറിയിൽ ചെന്നപ്പോ ലോക്ക് ചെയ്തത് കണ്ടു അവൾ തട്ടി വിളിച്ചു... ഒരുപാട് നേരം വിളിച്ചതിന് ശേഷം ആണ്‌ അവൻ ഡോർ തുറന്നത്... 

"എന്താ വല്ലാതെ ഇരിക്കുന്നെ പനി വല്ലതും ഉണ്ടോ... "

കയറിയപാടെ അവന്റെ മുഖം കണ്ടു അവൾ നെറ്റിയിൽ കയ് വെച്ചു കൊണ്ട് ചോദിച്ചു... 

"ഏയ് പനി ഒന്നും ഇല്ല,,, എന്താ നീ ഈ നേരത്ത് വന്നത്... "

അവൾ കയ്യിൽ ഉള്ള പേപ്പർ അവന് നേരെ നീട്ടി... 

"ദുബായിലേക്ക് ഉള്ള വിസ ആണ്‌,,, എല്ലാം ഞാൻ എന്റെ ഫ്രണ്ട്സിന്റെ അച്ഛനോട് പറഞ്ഞു സംഘടിപ്പിച്ചു എന്ന് വേണം പറയാൻ,,, അപ്പു ഏട്ടന് ഇങ്ങനെ ഇവിടെ നിന്നും കഷ്ടപ്പെടെണ്ട ആളല്ല,,, അത് കൊണ്ട് പോയെ പറ്റൂ രണ്ട് ദിവസം സമയം ഉണ്ട്... "

എന്ത് പറയും എന്ന് അറിയാതെ അവൻ അതും നോക്കി ഇരുന്നു... 

"എനിക്ക് ഇതൊന്നും വേണ്ട ഞാൻ എങ്ങോട്ടും പോകുന്നില്ല... "

"ദേ അപ്പു ഏട്ടാ എന്നെ വെറുതെ ദേഷ്യം പിടിപ്പിക്കരുത്... എന്നും ഇവിടെ നിന്നു അച്ഛന്റെ വായിൽ ഇരിക്കുന്നത് കേൾക്കാൻ ആണോ പ്ലാൻ... "

"ഞാൻ എങ്ങോട്ടെങ്കിലും പോയിക്കോളാം,,, അതിന് നീ ഇങ്ങനെ കഷ്ടപ്പെടെണ്ട ആവശ്യം ഒന്നും ഇല്ല... "

"അപ്പു ഏട്ടന് നല്ലോരു ജീവിതം കിട്ടുന്നത് വരെ ഞാൻ ഇങ്ങനെ കഷ്ടപ്പെടും പോരെ,,, അത് ഇഷ്ട്ടം ആയില്ലെങ്കിൽ ഉള്ളിൽ വെച്ചോ ഞാൻ ചെയ്യും,,, വേഗം ഇവിടെ നിന്നും രക്ഷപെട്ടു നല്ല ജോലിയും സാലറിയും ഒക്കെ ആയി വന്നു നല്ലോരു പെണ്ണിനെ കണ്ടു പിടിച്ചു കെട്ടാൻ നോക്ക്,,, ഇയാൾ തിരിച്ചു വരുമ്പോഴേക്കും നല്ലോരു പെണ്ണിനെ ഒക്കെ ഞാൻ കണ്ടു പിടിച്ചു വെച്ചോളാം പോരെ... "

മീനു അതും പറഞ്ഞു അവന്റെ കവിളിൽ തട്ടി ചിരിച്ചു കൊണ്ട് പുറത്തേക്കു പോകാൻ നിന്നതും അവന്റെ കയ് അവളിൽ പിടി വീണു...

"എന്താ അപ്പു ഏട്ടാ... എന്ത് പറ്റി... "

"ഞാൻ പോയാൽ നിന്റെ കല്യാണത്തിന് ഉണ്ടാവാൻ എനിക്ക് സാധിക്കില്ല അത് കൊണ്ട് ഞാൻ പോണില്ല... "

"എന്താ എന്റെ കല്യാണോ... "

അവൾ ഒരു ചിരിയോടെ അവനെ നോക്കി കൊണ്ട് ചോദിച്ചു... 

"അത് നിന്റെ കല്യാണം തീരുമാനിച്ചു,,, നിന്റെ ചെക്കനെ ഞങ്ങൾ കണ്ടു,,, നല്ല പയ്യൻ ആണ്‌,,, രണ്ട് മാസം കൊണ്ട് കല്യാണം വേണം എന്നാണ് അവർ പറഞ്ഞത്... അപ്പോ ഞാൻ പോയാൽ ആ സമയത്ത് വരാൻ പറ്റിയില്ല എങ്കിലോ... "

"ഓഹ് അപ്പോ ഇന്ന് നിങ്ങൾ രണ്ടാളും അതിന് വേണ്ടി ആണോ പോയത്,,,, പക്ഷെ അത് നടക്കണം എങ്കിൽ ഞാൻ കൂടി സമ്മതിക്കണ്ടേ... "

അവൾ അവനെ നോക്കി ചിരിച്ചു കൊണ്ട് പുറത്തേക്ക് ഇറങ്ങിയതും അച്ഛനെ കണ്ടു ഒന്ന് നിന്നു,,, അച്ഛൻ അടുത്തേക്ക് വരുന്നത് കണ്ടു അവൾ കാര്യം ആക്കാതെ പോകാൻ നിന്നതും അവളുടെ കവിളിൽ അച്ഛന്റെ കയ് പതിഞ്ഞു... 

"ഒരു ഗതിയും ഇല്ലാത്ത ഇവനെ തന്നെ വേണം ആയിരുന്നോ നിനക്ക് പ്രേമിക്കാൻ,,, പ്രേമിച്ചതോ പോട്ടെ പാതിരാത്രി ഇവന്റെ മുറിയിൽ വന്നു എന്താടി നിനക്ക് ഉണ്ടാക്കാൻ ഉള്ളത്... "

"അച്ഛാ ഞാൻ... "

"മിണ്ടി പോവരുത് നീ,,, എല്ലാറ്റിനും ഇവനെ പറഞ്ഞാൽ മതിയല്ലോ നിനക്ക് എത്ര ധൈര്യം ഉണ്ടായിട്ട് ആണ് നീ എന്റെ മോളെ പ്രേമിച്ചത്... "

അവളെ കടന്നു ചെന്നു അപ്പുനെ നോക്കി അച്ഛൻ അടുത്തേക്ക് ചെന്നു... അവനെ തല്ലി ചതക്കുന്നത് കണ്ടു അവൾ അടുത്തേക്ക് ചെന്നു... 

"കാര്യം അറിയാതെ വെറുതെ അപ്പു ഏട്ടനെ തല്ലരുത്... ഞാൻ എന്തിനാ വന്നെന്ന് അച്ഛന് അറിയോ... "

"അല്ലെങ്കിലും തർക്കുത്തരം പറയാൻ നിന്നെ കഴിഞ്ഞല്ലേ ആള് ഉളളൂ,,, ഇത്രയും കാലം പേടിച്ചു നിന്നത് പോലെ ഇനി ഞാൻ നിൽക്കില്ല കേട്ടോടി... ഇപ്പോൾ നീ ഈ വീട്ടിൽ നിന്നും ഇറങ്ങിക്കോണം... അല്ലെങ്കിൽ എന്റെ മോളെയും കൊണ്ടാവും നീ പോകുക... "

"അപ്പു ഏട്ടന് ഒരു വിസ ശരിയായി അത് കൊടുക്കാൻ ആണ് ഞാൻ വന്നത് അല്ലാതെ പ്രേമം പങ്ക് വെക്കാൻ ഒന്നും അല്ല,,, അച്ഛന്റെ മുന്നിൽ വെച്ചു കൊടുത്താൽ എന്തെങ്കിലും തടസ്സം നിക്കും എന്ന് അറിയാം അത് കൊണ്ട,,, ഇത് വരെ അതല്ലേ ചെയ്തിട്ട് ഉളളൂ... "

അപ്പോഴാണ് അച്ഛൻ അടങ്ങി നിന്നത്,,, അവൾ അപ്പുനെ തുറിച്ചു നോക്കി... 

"പറയാൻ ഉള്ളത് പറയേണ്ട സമയത്ത് പറയണം അല്ലാതെ ഇങ്ങനെ നിന്നാൽ നഷ്ടം മാത്രമേ ഉണ്ടാവൂ... അത് അച്ഛൻ ആയാലും ഇനി മുതൽ പറഞ്ഞോണം... "

എല്ലാരേയും തള്ളി മാറ്റി അവൾ പുറത്തേക്ക് ഇറങ്ങി,,, കൂടി നിന്ന എല്ലാരും അവൾക്ക് പിന്നാലെ പോയതും അപ്പു അവളുടെ വാക്കുകൾ തന്നെ ഓർത്തു... 

കുഞ്ഞു നാളിൽ തൊട്ട് തുടങ്ങിയ ഇഷ്ട്ടം പറയാതെ നിന്നെ എന്നും കാണുക എങ്കിലും ചെയ്യാം എന്ന് കരുതി ആണ് എല്ലാം സഹിച്ചു ഞാൻ ഇത്രയും കാലം ഇവിടെ നിന്നത്,,, പക്ഷെ ആ നീ എന്നെ ഇവിടെ നിന്നും രക്ഷപ്പെടുത്താൻ നോക്കുന്നു... ഇപ്പോൾ നിന്റെ ഉള്ളിൽ ഞാൻ ഇല്ലെന്നും മനസ്സിൽ ആയി,,, ഞാൻ പോയെ പറ്റൂ ആർക്കും വേണ്ടാത്ത ഈ ജന്മം എന്തിനാണെന്ന് ചിന്തിച്ചു കൊണ്ട് അവൻ പോകാൻ തന്നെ മനസിനെ പറഞ്ഞു പഠിപ്പിച്ചു... 

◼️◼️◼️◼️◼️◼️

"എന്തായി അപ്പു ഏട്ടാ എല്ലാം പാക്ക് ചെയ്തോ... "

"ദാ ഈ അച്ചാർ കൂടെ ഉണ്ട് മോളെ... "

"എന്റെ അമ്മേ അപ്പു ഏട്ടൻ അവിടെ അച്ചാർ ബിസിനെസിന് ഒന്നും അല്ല പോണെ,,, ഇത്രയും അച്ചാർ ഒരുമിച്ച് കൊണ്ട് പോവാൻ... "

അപ്പു ഒന്നും മിണ്ടാതെ അവളെ പ്രവർത്തി തന്നെ നോക്കി നിന്നു... 

എല്ലാം എടുത്തു അവൾ വണ്ടി എടുക്കാൻ ചെന്നതും അച്ഛൻ തടസ്സം ആയി നിന്നു... 

"ഇനി നിന്റെ പിന്നാലെ ഇരുത്തി കൊണ്ട് പോയാലെ അവൻ പോവൂ എന്നുണ്ടോ,,, കാറിൽ പോകാം ഞാനും ഉണ്ട്... "

"അത് നന്നായി തിരിച്ചു വരുമ്പോ എനിക്ക് സംസാരിക്കാൻ ആള് ആയല്ലോ... "

എന്നും പറഞ്ഞു മീനു കാറിൽ കയറി ഇരുന്നതും ഈ അവസാന നിമിഷത്തിൽ എങ്കിലും എന്റെ ഇഷ്ട്ടം പറയാൻ ആവില്ലല്ലോ എന്ന നിരാശയിൽ അവൻ നടന്നു... 

അവനെ ഉപദേശിച്ചു നന്നാക്കുന്നത് കണ്ടു അച്ഛൻ അവളെ തന്നെ തുറിച്ചു നോക്കി ഇരുന്നു... അവൻ ആണെങ്കിൽ എല്ലാറ്റിനും മൂളി കൊടുത്തു... 

എപ്പോഴോ അറിയാതെ അവളുടെ കയ് അവന്റെ തുടയിൽ വീണതും അത് എടുത്തു അവന്റെ കയ്ക്കുള്ളിൽ ആക്കി വെച്ചു,,, അവൾ ഒന്ന് ചിരിച്ചു കൊണ്ട് വീണ്ടും എന്തൊക്കെയോ പറഞ്ഞു കൊണ്ടിരുന്നു... 

"ഞാൻ വണ്ടി പാർക്ക്‌ ചെയ്തിട്ട് വരാം... "

എന്നും പറഞ്ഞു അവരെ ഇറക്കി അച്ഛൻ പോയപ്പോ അവൻ അവളെ നോക്കി എന്ത് പറയും എന്ന് അറിയാതെ വിയർത്തു നിന്നു... 

"മീനു... "

"എന്താ അപ്പുഏട്ടാ... പേടി ഉണ്ടോ,,, എല്ലാം അങ്കിൾ നോക്കിക്കോളും... വന്നോ ആവോ ഞാൻ കാൾ ചെയ്തു നോക്കട്ടെ... "

ഒന്നും പറയാൻ ആവാതെ അവൻ നിന്നതും അവർ അടുത്തേക്ക് വന്നു... 

"ഇതാണ് അപ്പുഏട്ടൻ... "

എല്ലാരേയും പരിചയപ്പെടുത്തി കൊടുക്കുന്ന തിരക്കിൽ ആരും അവന്റെ അവസ്ഥ ശ്രദ്ധിച്ചില്ല...

അകത്തേക്ക് കയറാൻ തുടങ്ങിയതും ഒരു കണ്ണീരോടെ അവൻ അവളെ നോക്കി നിന്നു... തിരിച്ചു വരുമ്പോ അവൾ മറ്റൊരാളുടെ ആയി കാണും അല്ലോ എന്നോർത്ത് അവന്റെ കണ്ണ് നിറഞ്ഞു,,, തന്നെ ഇത്രയും കരുതലോടെ നോക്കാൻ ഒരു മനുഷ്യനും ആവില്ല എന്നും അവൻ ചിന്തിച്ചു... 

◼️◼️◼️◼️◼️◼️

രണ്ട് വർഷത്തിന് ശേഷം.. 

ആ വീട്ടു മുറ്റത്തെക്ക് ഒരു കാർ വന്നു നിന്നു,,, അതിൽ നിന്നും രണ്ട് ഷൂ ഇട്ട കാലുകൾ പുറത്തേക്ക് വന്നതും ചാരുപടിയിൽ നിന്നും അയാൾ അവിടെക്ക് തന്നെ നോക്കി നിന്നു... 

മുന്നിൽ  നല്ല ഗെറ്റ്അപ്പിൽ നിക്കുന്ന അപ്പുനെ കണ്ടു അയാൾ പതിയെ അവിടെ നിന്നും എണീറ്റ് കണ്ണട നേരെ ആക്കി ഒന്ന് കൂടെ നോക്കി... 

"ആരാ... "

"ഞാൻ അപ്പു... എന്നെ മനസ്സിൽ ആയില്ലേ മാമന്... "

"ആ നീയാണോ,,, ഇപ്പോൾ പണ്ടത്തെ പോലെ ഒന്നും കാണാൻ പറ്റുന്നില്ല മോനെ... എന്തായാലും നീ വന്നല്ലോ അകത്തേക്ക് വാ മോനെ... "

അവൻ അകത്തേക്ക് കയറി അയാളെ ഒന്ന് നോക്കി,,, പഴയ പ്രൗഡിഒന്നും ഇല്ല,,, ആകെ  വിരൂപിച്ച കോലം... വാർദ്ധക്യം കൊണ്ട് തളർന്നു പോയ ശരീരം... 

"ഇവിടെ വേറെ ആരും ഇല്ലേ... "

"ആ നീ ആയിരുന്നോ മോനെ,,, വണ്ടിയുടെ ഒച്ച കേട്ടപ്പോൾ ഞാൻ കരുതി വീട് വാങ്ങിയവർ ആണെന്ന്... "

അപ്പു അവരെ നോക്കി ഒന്ന് ചിരിച്ചു... 

"ഈ വീട് വാങ്ങിയത് ഞാൻ തന്നെയാ അമ്മേ... കടം കയറി വീട് വിക്കാൻ വെച്ചിരുന്നത് ഞാൻ അറിഞ്ഞു,,, എന്തോ ഇവിടെ വളർന്നത് കൊണ്ടാവും ഇത് വാങ്ങണം എന്ന് തോന്നി... അമ്മാവൻ ഇങ്ങനെ ഒക്കെ പിശുക്കി ജീവിച്ചിട്ടും എങ്ങനെ ഇത്രയും വലിയ കടം ഉണ്ടായി... "

"നിന്നെ പോലും ദ്രോഹിച്ചിട്ടോ അല്ലേ ഉള്ളൂ മോനെ... എല്ലാരുടെയും ശാപം കൊണ്ടാവും ഇങ്ങനെ ഒക്കെ സംഭവിച്ചത്... "

അമ്മ കണ്ണ് തുടച്ചു കൊണ്ട് പറഞ്ഞു... 

"ഇറങ്ങി പോകാൻ ഉള്ള ഡേറ്റ് ആയി എന്ന് അറിയാം,,, രണ്ട് ദിവസം കൂടി സമയം തരണം മോനെ,,, ഒരു വീട് വാടകക്ക് പറഞ്ഞു വെച്ചിട്ടുണ്ട്... "

"എന്താ ഇത് അമ്മാവാ ഞാൻ വാങ്ങിയത് നിങ്ങളെ ഇവിടെ നിന്ന് ഇറക്കി വിടാൻ അല്ല ഇവിടെ തന്നെ നിർത്താൻ ആണ്... "

അമ്മാവന്റെ തോളിൽ തട്ടി അവൻ അകത്തേക്ക് കയറി... 

പിറകെ ബാഗ് എല്ലാം എടുത്തു അമ്മാവൻ പോയി... 

"ഈ മുറിയിൽ വെക്കാം അല്ലേ മോനെ... ഇനി മുതൽ ഞാൻ അല്ലേ ആ പുറത്തെ മുറിയിൽ കിടക്കേണ്ടത്... ഈ മുറിയിൽ ആണ് ഞാൻ ഇത് വരെ കഴിഞ്ഞത്... "

"ഏയ് എന്താ അമ്മാവാ ഇത്,,,അമ്മാവൻ അമ്മാവന്റെ മുറിയിൽ തന്നെ കിടന്നോ... എനിക്ക് വേറെ ഏതെങ്കിലും മതി,,, ഒന്നും ഇല്ലെങ്കിലും ആ പുറത്തെ മുറിയിൽ കിടക്കാൻ എനിക്ക് മടി ഇല്ല... "

"മോനെ ഞാൻ നിന്നോട് ചെയ്ത തെറ്റ് ഓർക്കുമ്പോ എനിക്ക് തന്നെ എന്നോട് വെറുപ്പ് തോന്നുന്നു... പക്ഷെ നീ എല്ലാം മറന്നു കൊണ്ടാ എന്നോട് പെരുമാറുന്നത്... "

"എന്റെ അമ്മാവൻ അല്ലേ ഇത്... ഒരുപക്ഷെ അതൊക്കെ കൊണ്ടല്ലേ ഞാൻ ഈ നിലയിൽ എത്തിയത് പോലും... "

അവൻ ബാഗ് വാങ്ങി അകത്തേക്ക് കയറി,,, എല്ലാം ഓർത്തു കൊണ്ട് അവൻ ഇരുന്നു... 

മീനു അവളെ സ്വന്തം ആക്കാൻ വേണ്ടി മാത്രം ആണ് അവിടെ രണ്ട് വർഷം കഴിച്ചു കൂട്ടിയത്... ഈ വീട് നഷ്ടപ്പെടുന്നു എന്ന് അറിഞ്ഞപ്പോൾ പോലും അത് സ്വന്തം ആക്കിയത് അവൾക്ക് വേണ്ടി ആണ്... 

വണ്ടിയുടെ സൗണ്ട് കേട്ടു അവൻ വിൻഡോ വഴി പുറത്തേക്ക് നോക്കി,,, മീനു ആണെന്ന് കണ്ടതും അവൻ ഒരു പുഞ്ചിരിയോടെ പുറത്തേക്ക് വന്നു... വന്നപാടെ അച്ഛൻ എല്ലാം അവളോട്‌ പറഞ്ഞു... 

മുറിയിൽ പോകുന്ന അവളെ കണ്ടു അവൻ ഒന്ന് നോക്കി,,, പഴയ പോലെ എല്ലാം തട്ടി തെറിപ്പിച്ചു കൊണ്ടുള്ള നടത്തം അല്ല ഇപ്പോൾ,,, ആകെ ഒതുങ്ങി പോയി,,, അല്ലെങ്കിൽ എന്തെങ്കിലും ഇങ്ങോട്ട് വന്നു സംസാരിക്കുന്ന അവൾ ഒരു പുഞ്ചിരിയിൽ ഒതുക്കി അകത്തേക്ക് കയറി... 

അവൾ രാത്രി എങ്കിലും എന്നോട് സംസാരിക്കാൻ വരും എന്ന പ്രതീക്ഷയിൽ ഡോർ അടക്കാതെ അവൾക്ക് വേണ്ടി തുറന്നു വെച്ചു... 

നേരം പുലരുവോളം അവളെ കാത്തിരുന്നു അവൻ ഉറങ്ങി,,, രാവിലെയും അവൾ ജോലിക്ക് പോകുന്നത് അവൻ കണ്ടു,,, ആ വണ്ടി തന്നെ ആണ് ഇപ്പോഴും ഉപയോഗിക്കുന്നത്,,, മാറ്റം അവളിൽ മാത്രം,,, എന്തിന് എന്നെ പോലും അവഗണിച്ചു നടക്കുന്നു എന്ന് അറിയാതെ അവൻ അവൾ പോകുന്നതും നോക്കി ഇരുന്നു... 

◼️◼️◼️◼️◼️◼️

"അമ്മേ മുറിയിൽ ഇത്തിരി വെള്ളം കൊണ്ട് വെക്കുമോ... "

പ്രതീക്ഷിച്ചത് പോലെ അവൾ തന്നെ ആണ് വെള്ളം കൊണ്ട് വന്നത്,,, അവൾ അകത്തേക്ക് കയറിയതും അവൻ ഡോർ അടച്ചു അവളെ നോക്കി നിന്നു... അവൾ എന്തെ എന്ന പോലെ അവനെ നോക്കി... 

"മീനു എനിക്ക് നിന്നോട് സംസാരിക്കാൻ ഉണ്ട്... നീ എന്താ എന്നെ മൈൻഡ് ചെയ്യാതെ നടക്കുന്നെ എനിക്ക് അത് സഹിക്കാൻ പറ്റുന്നില്ല... "

"ഞാൻ എന്തിനാ അപ്പു ഏട്ടനെ മൈൻഡ് ചെയ്യുന്നേ... "

"പഴയ മീനു ആണെങ്കിൽ ഞാൻ മൈൻഡ് ചെയ്തില്ല എന്നും പറഞ്ഞു എന്നെ ഇട്ടും തല്ലും അല്ലോ,,, ഇപ്പോൾ നിനക്കെന്താ പറ്റിയെ... "

"അപ്പു ഏട്ടൻ പഴയ അപ്പുഏട്ടൻ അല്ലല്ലോ,,, ഇപ്പോൾ വലിയ പണക്കാരൻ അല്ലേ,,, ആഗ്രഹിച്ചത് എന്തും സ്വന്തം ആക്കാൻ ധൈര്യം ഉള്ള ആള്... "

"മനസ്സിൽ ആയില്ല... "

"ഈ വീട് അപ്പു ഏട്ടൻ സ്വന്തം ആക്കി,,, അത് പക വീട്ടാൻ അല്ലേ,,, ഇവിടെ നിന്നും പോകരുത് എന്നും പറഞ്ഞു ഇവിടെ നിർത്തി അതും എന്തോ മനസ്സിൽ കണ്ടു കൊണ്ടല്ലേ... "

"നീ എന്തൊക്കെയാ ഈ പറയുന്നേ മീനു,,, ഞാൻ നിങ്ങൾ ഈ വീട്ടിൽ നിന്നും ഇറങ്ങി പോവരുത് എന്ന് കരുതി മാത്രം ആണ് അത് വാങ്ങിയത് അല്ലാതെ... "

"എങ്കിൽ പിന്നെ എന്തിനാ എനിക്ക് വരുന്ന ഓരോ വിവാഹ ആലോചനയും മുടകുന്നത്... "

അവൻ അവളുടെ ചോദ്യം കെട്ടു സ്ഥമ്പിച്ചു നിന്നു... 

"പറ എന്തിനാ അപ്പു ഏട്ടാ എന്നെ ഇങ്ങനെ ദ്രോഹിക്കുന്നെ... "

അവളുടെ ചോദ്യം താങ്ങാൻ ആവാതെ അവൻ അവളുടെ വാ അടച്ചു പിടിച്ചു... 

"നിനക്ക് വേണ്ടിയാ മീനു,,, എനിക്ക് നിന്നെ വേണം അത്രക്ക് ഇഷ്ടം ആണ് നിന്നെ,,, ഈ വീട് പോലും തിരിച്ചു പിടിച്ചത് നിനക്ക് വേണ്ടി മാത്രം ആണ്... ഓരോ ആലോചനയും മുടക്കാൻ നിന്നത് നിനക്ക് വേണ്ടി ആണ്... എനിക്ക് നിന്നെ അത്രക്ക് ഇഷ്ടം ആയോണ്ടാ മീനു,,, ഇവിടെ നിന്നും പോകുന്ന ആ അവസാന നിമിഷം എങ്കിലും ഞാൻ നിന്നോട് അത് പറയാൻ ആഗ്രഹിച്ചിരുന്നു... പക്ഷെ പറ്റിയില്ല... നീ പറഞ്ഞത് പോലെ പറയേണ്ടത് പറയേണ്ട സമയത്ത് പറഞ്ഞില്ല എങ്കിൽ ഒരുപാട് നഷ്ടം ഉണ്ടാവും എന്ന് എനിക്ക് മനസ്സിൽ ആയി,,, അത് കൊണ്ടല്ലേ നിന്റെ മനസ്സിൽ എനിക്ക് ഉള്ള സ്ഥാനം പോലും ഇല്ലാതെ ആയത്... "

അവൾ ഒന്നും മിണ്ടാതെ കണ്ണും അടച്ചു നിന്നു... 

"എനിക്ക് ഇപ്പോഴും നിന്നെ ഇഷ്ടം ആണ്,,,നിനക്ക് വേണ്ടി മാത്രം ആണ് ഞാൻ തിരിച്ചു വന്നത്... നീ അല്ലേ എന്നെ ഈ നിലയിൽ എത്തിച്ചത്... നീ എന്നെ ഒരു കൊച്ചു കുട്ടിയെ പോലെ അല്ലേ ശ്രദ്ധിച്ചത്,,, അത് പോലെ എന്നെ നോക്കാൻ വേറെ ആർക്കാ പറ്റുക മീനു... "

"അപ്പു ഏട്ടൻ ആകെ മാറി,,, നന്നായി സംസാരിക്കാൻ പഠിച്ചു... എനിക്ക് സന്തോഷം ആയി... "

അവൾ കൂടുതൽ ഒന്നും പറയാതെ മുറിയിൽ നിന്നും ഇറങ്ങി... 

അപ്പു ഏട്ടൻ പറഞ്ഞ ഓരോ വാക്കും ഓർത്തു അവൾ ഉറങ്ങാതെ ഇരുന്നു... അച്ഛൻ പോലും അപ്പു ഏട്ടനെ വഴക്ക് പറയുന്നത് കണ്ടു നിൽക്കാൻ ആവില്ല... ശരിക്കും ആരായിരുന്നു അപ്പു ഏട്ടൻ എന്റെ മനസ്സിൽ... ഞാൻ എന്തിനാ ഇത്രയും കെയർ ചെയ്തു കൊണ്ട് നടന്നത്... നല്ല ഒരു നിലയിൽ എത്തി കാണാൻ ആഗ്രഹിച്ചത് എന്നൊക്കെ ഉള്ള ചിന്തകൾ അവളെ അലട്ടി തുടങ്ങി... 

ഇന്ന് എൻറെ മുഖത്ത് നോക്കി എന്നെ ഇഷ്ടം ആണെന്ന് പറയാൻ ധൈര്യം കാണിച്ച അപ്പുനെ ഓർത്തു അവൾ ഒന്ന് ചിരിച്ചു... 

മനസ്സിൽ കാണാൻ തോന്നിയപ്പോ തന്നെ അവൾ മുറിയിൽ നിന്നും ഇറങ്ങി... അപ്പു കിടന്ന മുറിയിൽ ചെന്നു... 

അവൻ ഉറങ്ങുന്നത് നോക്കി അവിടെ ഇരുന്നു,,, ആകെ മാറ്റം വന്ന അപ്പുനെ നോക്കി അവൾ ഒന്ന് പുഞ്ചിരിച്ചു... 

അവന്റെ നിഷ്കളങ്കമായ ഉറക്കം കണ്ടു അവളുടെ ചുണ്ടുകൾ അവന്റെ നെറ്റിയിൽ പതിഞ്ഞു... അപ്പോഴേക്കും അവന്റെ കയ്കൾ അവളെ ചുറ്റി വരിഞ്ഞു... 

"വിട് അപ്പു ഏട്ടാ ആരെങ്കിലും കാണും... "

"കണ്ടോട്ടെ,,, അച്ഛനും അമ്മയും അല്ലേ കാണൂ,,, അവരോട് ഞാൻ ചോദിച്ചു ഈ പെണ്ണിനെ എനിക്ക് തരുവോ എന്ന്... അവർ സമ്മതിച്ചു പിന്നെന്താ... "

"ആണോ പക്ഷെ എന്റെ സമ്മതം വേണ്ടേ... "

"വേണ്ടന്നെ,,, നിന്നെ എനിക്ക് എന്നും ഇങ്ങനെ ചേർത്ത് പിടിച്ചു നിന്നെ സംരക്ഷിക്കണം... അതിന് നിന്റെ സമ്മതം ഒന്നും വേണ്ട എനിക്ക്,,, നീ എന്നെ ഈ നിലയിൽ എത്തിച്ചത് എന്നോട് സമ്മതം ചോദിച്ചിട്ട് ആണോ... അല്ലല്ലോ... "

"അപ്പു ഏട്ടൻ ആളാകെ മാറിപ്പോയി... ഇതാണ് ഞാൻ ആഗ്രഹിച്ച അപ്പു ഏട്ടൻ... "

"ആണോ എന്നാൽ ഈ അപ്പുനെ ഞാൻ ഇതാ പൂർണമായി നിന്നെ ഏൽപ്പിച്ചു തന്നിരിക്കുന്നു... "

അവൻ കയ്യും ഉയർത്തി എണീറ്റു നിന്നതും അവൾ അവനെ ഇറുക്കി പിടിച്ചു നിന്നു... രണ്ട് പേരും പരസ്പരം കെട്ടിപ്പിടിച്ചു നിക്കുന്നത് കണ്ട അച്ഛൻ അവിടെ നിന്നും പുറത്തേക്ക് പോയി... 

ഇന്ന് അവരുടെ വിവാഹം ആണ്,,, വിറച്ചു കൊണ്ടിരിക്കുന്ന കയ്യിൽ അമർത്തി പിടിച്ചു കൊണ്ട് അവൾ അവനു ധൈര്യം കൊടുത്തു... ആ താലി കഴുത്തിൽ പതിഞ്ഞപ്പോൾ അവൾ അവന്റെ നെറ്റിയിൽ ചുംബിച്ചു... 

അപ്പുന്റെ നെഞ്ചിൽ തല വെച്ചു കിടന്നു കൊണ്ട് മീനു ഉറക്കം തുടങ്ങി... 

"മീനുട്ടി ഈ ഫസ്റ്റ് നെറ്റും നീ തന്നെ തുടങ്ങി വെക്കും എന്നാണ് ഞാൻ കരുതിയത്,,, ഇതിപ്പോ നീ നല്ല ഉറക്കം ആണല്ലോ... ഞാൻ തന്നെ തുടങ്ങേണ്ടി വരും അല്ലേ... "

അത് കേട്ടു ഉറക്കം ഒക്കെ പോയ അവൾ അവനെ ഇതെന്തു ജീവി എന്ന പോലെ നോക്കി... 

$എന്താ ഞാൻ തുടങ്ങട്ടെ... "

അവൾ ഒരു ചിരിയോടെ അവന്റെ നെഞ്ചിൽ തന്നെ കിടന്നു,,, ഒരു ചിരിയോടെ അവനും അവളെ ചേർത്ത് പിടിച്ചു... 

ശുഭം..

Story By Ajwa